Qëllimi: Të eksplorohen pritshmëritë e grave dhe burrave në marrëdhënie romantike, si dhe çfarë na mëson ne shoqëria rreth tyre.
Materialet e nevojshme: Letër dhe lapsa. Mundet edhe muzikë.
Koha e rekomanduar: 45 minuta
Shënime për planifikim: Si pjesë e krijimit dhe diskutimit të historive të dashurisë në këtë aktivitet, pjesëmarrësit mund të kontribuojnë ose të reflektojnë mbi elementet e historive të tyre personale. Në disa raste (ashtu si edhe me aktivitetet e tjera), kjo mund të shkaktojë emocione të forta dhe udhëheqësi duhet të jetë i gatshëm të ndihmojë ose, nëse është e nevojshme, të ofrojë një referencë ndihme
HAP OPSIONAL 1: Për t’i diskutuar më tej konstruktet kulturore dhe sociale të romancës, sillni kopje të teksteve të këngëve të famshme ose jepuni pjesëmarrësve për analizë ide për shprehje të zakonshme rreth dashurisë dhe marrëdhënieve.
HAP OPSIONAL 2: Ftojini pjesëmarrësit ta përsërisin aktivitetin, duke menduar për një fazë tjetër të një marrëdhënie romantike. Për shembull, ata mund të zgjedhin të tregojnë një histori rreth një çifti të martuar prej 10 vjetësh. Cilat janë rolet dhe pritshmëritë e gruas? Cilat janë të burrit? Cilat janë ngjashmëritë dhe dallimet midis fazave të hershme të marrëdhënies, edhe pas 10 vjetëve martesë?
Ekzistojnë shumë norma kulturore ose besime, rreth roleve të veçanta që gratë dhe burrat duhet të kenë në lidhje. Disa nga këto norma, si për shembull “meshkujt duhet t’i marrin të gjitha hapat në një lidhje”, mund të përforcojnë dinamikat e fuqisë së pabarabartë dhe të krijojnë situata të cenueshmërisë edhe për gratë, edhe për burrat. Për shembull, për shkak të kësaj norme burrat mund të mendojnë se ata duhet të marrin të gjitha vendimet rreth seksit dhe mbrojtjes, edhe kur ata nuk i kanë njohuritë adekuate për këto çështje, dhe gratë nuk duhet të ndihen rehat të provojnë të negociojnë. Si gra të reja, është e rëndësishme të identifikoni kualitetet, të cilat janë të rëndësishme për ju te një partner, të jeni të vetëdijshme për të drejtat tuaja, si dhe të dini cilat sjellje nuk i toleroni. Mbajtja e një lidhjeje të shëndetshme dhe të barabartë kërkon punë nga të dy partnerët. Të dy partnerët duhet të komunikojnë për pritshmëritë e tyre, nevojat dhe dëshirat, si dhe t’i kuptojnë e dëgjojnë dëshirat dhe nevojat e tjetrit.
Në “Na ishte njëherë një vajzë” (Once Upon a Girl), vajza fillimisht e sheh të dashurin e saj si “Princin e Kaltër”. Si mendoni, ky ideal a kishte ndikuar te lidhja? Në rast se keni vendosur të shfrytëzoni filmat e animuar, sasia e kohës që do t’ju nevojitet është 2 orë mësimi shkollor ose 90 minuta.