Qëllimi: Për të diskutuar për dhunën në marrëdhëniet intime dhe si të ndërtohen marrëdhënie intime mbi bazën e respektit.
Materialet e nevojshme: Letër për tabelë, laps për të shënuar në tabelë dhe ngjitës.
Koha e rekomanduar:90 minuta
Vërejtje për planifikim:
Është e rëndësishme të kuptohet se të rinjtë mund të ndihen të pazotë për t’u përgjigjur ndaj dhunës që e shohin, kur të tjerët e kryejnë. Shumë prej tyre mund të besojnë se nuk duhet të përzihen në punët e të tjerëve. Gjatë gjithë këtij aktiviteti, është me rëndësi që të eksplorohet kjo pazotësi, të cilën e ndiejnë të rinjtë kur shohin një njeri tjetër që përdor dhunë në shtëpi.
Ky aktivitet përfshin luajtjen e roleve me karakteret femra. Nëse jeni duke punuar me grup ku ka vetëm meshkuj, atëherë mund të mos kenë dëshirë që ta luajnë rolin e femrës. Inkurajojeni grupin të jetë fleksibil. Nëse asnjëri prej të rinjve nuk dëshiron të aktrojë si femër, mund t’u kërkoni që ta përshkruajnë vendin e ngjarjes duke përdorur fot apo në formë narrative.
1. Shpjegojuni pjesëmarrësve se qëllimi i këtij aktiviteti është të diskutohen dhe të analizohen mënyrat e demonstrimit dhe përjetimit të marrëdhënieve intime, bazuar në respekt.
2. Ndajini pjesëmarrësit në grupe të vogla dhe kërkoni që të shpikin një lojë të shkurtër me role apo një skeç.
3. Jepuni 15 deri 20 minuta kohë grupeve që të shkruajnë tregimet dhe skeçin. Tregojuni grupeve se skeçet nuk duhet të jenë më të gjata se pesë minuta.
4. Ftojini grupet që t’i paraqesin skeçet e tyre. Pas secilit skeç, ftojini pjesëmarrësit e tjerë që të bëjnë pyetje rreth asaj që kanë parë.
5. Kur të gjitha grupet ta kenë kryer, ndihmoni zhvillimin e një diskutimi, duke përdorur pyetjet në vijim.
Konfliktet ndodhin në të gjitha marrëdhëniet. Mënyra si i menaxhoni këto konflikte ka peshë të madhe. Të mësosh se si ta kalosh kohë duke menduar për ndjenjat e tua dhe për t’i shprehur vetë në mënyrë të qetë dhe paqësore, është një pjesë e rëndësishme për ndërtimin e marrëdhënieve të shëndetshme dhe të respektueshme.
Aktiviteti “Të shprehurit e emocioneve” ofron mundësinë që të rinjtë të hulumtojnë se sa e lehtë ose e vështirë është për ta që të shprehin zemërimin dhe emocionet e tjera, si dhe për të reflektuar në atë se si ndikon kjo në marrëdhëniet e tyre.
Në aktivitetin “Dëshiroj… nuk dëshiroj, dëshiroj….nuk dëshiroj”, të rinjtë mund ta praktikojnë se si t’i zgjidhin mospajtimet në marrëdhëniet intime. Aktiviteti është shkruar duke pasur parasysh negociatat për abstinencë ose seks, por mund të përshtatet me qëllim që të eksplorohet se si t’i menaxhojmë dallimet dhe opinionet apo dëshirat e ndryshme që mund të ngrihen në kontekstin e marrëdhënieve.