Mësimi tjetër

Mësimi 4: Të gjitha në të njejtën kohë

Kursi online i Programit Y MODULI 10 – VITI 4 – PRINDËRIT E SHEKULLIT 21ST – Gjysmëvjetori i parë: Atësia dhe amësia Mësimi 4: Të gjitha në të njejtën kohë

Qëllimi: Të diskutohen rolet dhe përgjegjësitë e shumëfishta që gratë marrin shpeshherë dhe rëndësia e ndarjes së kujdesit ndaj fëmijëve dhe përgjegjësive shtëpiake me burrat.

Materialet e nevojshme: Lapsa ose stilolapsa

Koha e rekomanduar: 45 minuta

Shënime për planifikim: Para sesionit, udhëheqësi duhet të hulumtojë ligjet dhe politikat ndërkombëtare që lidhen me pushimin e amësisë dhe atësisë, fakte këto që mund të ndahen me pjesëmarrësit më pas.

Procedura:

1. Merrni një letër tabele dhe ndajeni në dy kolona. Në njërën kolonë shkruani “nënë”, ndërsa në tjetrën “baba”. U thoni pjesëmarrësve që të reflektojnë për gjithçka që iu shkon në mendje, kur i dëgjojnë këto fjalë. Shkruajini të gjitha në kolonat përkatëse
2. Tani ndërrojuani vendet fjalëve “nënë” dhe “baba” dhe lexoni fjalët e shkruara prapë (njësoj si në “çfarë është kjo gjë e quajtur gjini”). Të gjitha aktivitetet, përveç dallimeve biologjike (si gji-dhënia) janë vetëm rezultat i roleve gjinore.

Hap i mundshëm: Ky mund të jetë aktivitet shtesë

Ndajini pjesëmarrësit në tre grupe më të vogla. Kërkoni nga një grup që ta lirojnë dhomën për disa momente. Dy grupeve të tjera thojini që njëri do të prezantojë “burrat me fëmijë” dhe tjetri “gratë me fëmijë”. Kërkoni nga grupi që të kthehet në dhomë/klasë/hapësirë, dhe tregojuni që do jenë ‘audienca’. Shënim: Është e rëndësishme që grupi i ‘audiencës’ të mos i dijë detyrat që kanë pasur grupet e tjera.
Thojini dy grupeve të shkojnë në skaje të kundërta të dhomës. Shpjegojuni që kur ju do t’i thërrisni, ata duhet në heshtje të aktrojnë aktivitetin ku ishin të angazhuar, nëse do të ishin gra me fëmijë apo burra me fëmijë. Grupi i tretë do ketë përgjegjësinë të vështrojë aktivitetet që grupet do shfaqin përgjatë ditës.
Thërritni grupet në kohëra të ndryshme të ditës, ora 5 paradite, ora 10 paradite, në mesditë, ora 3 pasdite, ora 5 pasdite dhe ora 10 pasdite. Përderisa i thërrisni në kohë të ndryshme të ditës, ata duhet të fillojnë t’i bëjnë me mimikë/aktrojnë, siç do të vepronin gratë me fëmijë dhe burrat me fëmijë në atë kohë të ditës. Jepuni disa minuta që t’i aktrojnë aktivitetet që lidhen me një kohë të caktuar, para se të kaloni te koha tjetër e ditës. Udhëheqësi mund t’i thërrasë grupet edhe në kohëra të tjera apo gjatë ditës, për shembull ora 6 paradite gjatë pushimit, pasdite të shtunën, ora 3 pasdite të hënën. Kujtojini grupit të tretë se ata duhet t’i vështrojnë grupet me vëmendje dhe më pas t’i identifikojnë ngjashmëritë dhe dallimet midis grupeve.
Kërkoni nga grupi i tretë, me detyrën e grupit “audiencë”, që të ndajnë me grup më të madh disa ngjashmëri dhe dallime që kanë vërejtur. Pyesni nëse aktivitetet që janë aktruar ndodhin në shtëpitë dhe komunitetet e tyre.
Pas një diskutimi të shkurtër rreth kësaj pjese të aktivitetit, shpjegoni që grupi do të bëjë një tjetër aktivitet, që të theksojë dallimet ekzistuese, për sa i përket angazhimit të burrave dhe grave në kujdesin ndaj fëmijës.

Udhëhiqni një diskutim me pyetjet e mëposhtme.

Pyetje për diskutim:

Cilat janë dallimet midis grave dhe burrave, për sa i përket angazhimit në kujdesin ndaj fëmijës?
Si lidhen këto dallime me rolet dhe mundësitë e ndryshme jashtë shtëpisë të burrave dhe grave (për shembull, shkolla, vendi i punës).
Për mendimin tuaj, çfarë të drejtash duhet të kenë gratë, për sa i përket lejes së lindjes dhe punës? Dhe çfarë të drejtash duhet të kenë burrat, për sa i përket lejes së lindjes dhe punës (nëse është e mundur, udhëheqësi duhet të kontribuojë në këtë diskutim me informacione nga ligjet ndërkombëtare për lejen e lindjes, amësisë dhe atësisë)
A është e mundur për një grua të re që të jetë nënë, të studiojë dhe të punojë në të njëjtën kohë? Çfarë mbështetje i nevojitet?
A janë disa përgjegjësi më të rëndësishme se të tjerat?
Çfarë presin gratë në përgjithësi nga burrat, kur bëhet fjalë për angazhimin e tyre në kujdesin ndaj fëmijës?
A janë burrat po aq të aftë për t’u kujdesur për fëmijët sikurse femrat?
Pse po dhe pse jo?
Çfarë presin gratë në përgjithësi nga burrat, kur bëhet fjalë për angazhimin e tyre në punët shtëpiake?
A janë burrat po aq të aftë për t’u kujdesur për punët e shtëpisë, sikurse gratë? Pse po pse jo?
A është e rëndësishme për gratë dhe partnerët e tyre që të jenë të gatshme t’i ndajnë punët e shtëpisë dhe kujdesin ndaj fëmijës? Pse po pse jo?
Kur një burrë është i papunë, a kontribuon ai në punët e shtëpisë?
Çfarë përfitimesh ka përfshirja e barabartë e grave dhe burrave në
kujdesin ndaj fëmijëve dhe punëve të shtëpisë?
Si mund të gjejë një grua kohë që të kujdeset për vete, mes gjithë përgjegjësive të tjera që ajo bart mbi supe?
Si mund të gjejë kohën një burrë për t’u kujdesur për veten, fëmijët dhe përgjegjësitë e tjera?
Çfarë keni mësuar përgjatë diskutimit? Si mund t’iu ndihmojë kjo të bëni ndryshime në jetë dhe te lidhjet tuaja?

Përmbyllje:

Gratë shpeshherë balancojnë shumë role dhe përgjegjësi – brenda dhe jashtë shtëpisë. Për sa i përket kujdesit ndaj fëmijëve, janë kryesisht gratë ato që marrin përgjegjësitë primare. Është e rëndësishme të dihet se, fakti që babai përfshihet në kujdesin ndaj fëmijës nuk është ekskluzivisht karakteristikë biologjike, por më shumë varet nga ajo se si janë rritur burrat, si dhe varet nëse ata janë rritur në atë mënyrë që të besojnë që edhe burrat mund të kujdesen për fëmijët. Edhe pse gratë vendosen në pozita ku duhet kujdesur për fëmijët qysh në mosha të reja, burrat mund të mësojnë se si të kujdesen për fëmijë – dhe mund ta mësojnë këtë fare mirë. Si nëna, motra dhe bashkëshorte, ju mund të ndihmoni t’i inkurajoni burrat që të përfshihen në kujdesin për vëllezërit e motrat dhe fëmijët e tjerë, pasi në këtë mënyrë ata praktikojnë shkathtësitë që duhen për të qenë një baba dhe kujdestar i mirë.

Mësimi i mëparshëm

Kthehu tek moduli

Mësimi tjetër